文輝墨魚丸大王

营业中

休息中

小秘書今日一收工就咁走咗落銅鑼灣，趕住去workshop，可能中午食得太少，好想食碗湯河先到目的地。咁啱一出港鐵就見到「文輝墨魚丸大王」喺對面，一於整碗「紫菜雙墨河」 獎勵吓自己。所謂「雙墨」就係墨魚丸、墨魚鬚👀 加埋啲紫菜同老闆秘製辣椒油，就係小秘書嘅黃金組合。裝修咗嘅「文輝」，外觀無咩改變，只係唔見咗養咗好多年嘅「龍吐珠」，連裝粉麵嘅玻璃碗都唔同咗，不過依舊嘅就仲係由一班潮洲大叔嚟管理同營運😏 幫襯「文輝」咁多年，味道始終無變，墨魚丸一樣鮮味、爽口，只係啲河粉無以前咁滑，扣咗少少分啦！