The Night Market (士丹利街) (已結業)

原先想去JAR，不过full house，行落小小黎左呢左大厦睇下有咩食，唔想食日餐之下，拣左呢间Night Market。间野几威水，有两层，睇黎几好生意。去第一层无位，上多层先有位，奇怪点解下面果层唔话我知上面有位，纯粹同我讲冇位，要我自己上多层问有冇位。废话讲完，最紧要有位开餐。食台式野，本menu几靓，几特别。都系食d大路野，牛肉面，盐酥鸡，花枝丸加埋个酿豆腐，两个人，应该差唔多。牛肉面，先讲汤，好似多左d，多到盖过大部份牛肉，饮落还算浓郁，如果有d辣味应该更可口。牛肉软腍，仲有筋，还可以。面系杨春面，够爽口。盐酥鸡，有几浓郁既椒盐味同埋咸香味，够哂惹味香口。花枝丸，几弹牙，不过食唔到花枝丸既爽甜，只有面头既脆。酿豆腐，食完几样炸野之后，清清地既一款，豆腐酿有鱼肉，食落还不错。粉圆冬瓜茶，似少甜版贡茶既冬瓜茶。食物整体好普通，服务环境还可以。