宜家家居美食站

营业中

休息中

老老实实，10次去ikea有几多次真系买家私/家品？大部份嘅消费都系去左饮饮食食。以前读书会去餐厅𠮶边食肉丸呀、鸡翼呀、薯角𠮶啲。近排钟意去ikea美食站食雪糕，因为间唔中就会有新口味登场，仲几抵食tim。之前食左开心果味同奶茶味都无食，睇下会唔会有机会补返。 今次系士多啤梨米奶新地配士多啤梨及炼奶，粉红色士多啤梨雪糕上面有切碎左嘅粒粒士多啤梨，仲有炼奶tim。我买嘅时候见到有人走炼奶，而我就唔打算破坏佢原本设计好嘅组合。食落酸酸甜甜咁，仲有啲士多啤梨粒粒咬下，几特别，食落有少少瑞士糖嘅味道咁。就咁睇我以为系「士多啤梨米」「奶」「新地」，不过原来系「士多啤梨」「米奶新地」，米奶新地系素食（佢声称），我就真系识条铁。如果照佢呢个formula，我会想试下苹果或者荔枝新地。