Banabana (已結業)

士多啤梨啤梨苹果橙什么A餐B餐不可拣？初头经过仲以为系卖指甲油既店，点解咁多人排队嘅？原来系新开嘅饮品店，店内标榜饮品以新鲜生果制成。要点餐首先要取得火箭，控制台上有超过20款不同款式嘅生果任拣，亦即系不同的星球，拣好边三款心水星球后，将星球按钮放到火箭上，然后俾钱就可以了。每杯饮品$28可以选择三款水果，另外有些特别水果要加$3，如果谂唔到点样配搭，可以跟住呢个top 10黎拣，仲有每日精选。可以看到店员制作果汁的过程，真系慢慢逐个新鲜生果切开，即榨。益力多+提子+苹果 $28等左大约五分钟就有得饮喇，所有新鲜水果已经被打成汁液，饮落益力多味比较重，仲饮到淡淡嘅提子及苹果香，虽然无添加糖分，但系又唔会好酸，入口有真正水果味，好新鲜。每人仲有一张星球标签，会写住饮品内的卡路里，同埋营养成分，最多星星围住嘅小星球，就代表𠮶种营养最高。一杯专属你所想的星球的果汁，得意又有营养。