小王牛肉麵 (已結業)

约朋友食饭，两个女人仔简单食完就可即去shopping! 谂黎谂去要近沙田市中心又想食嘅餐厅，我同老友一致拣呢间。星期五七点半去到，已经要等位了。大约等十分钟到，都可以接受嘅。入到舖头，枱与枱之间可以话系零距离。不过预左快食快走。再加上人咁多，隔音又做得麻麻，所以都唔会想坐耐的。老友钟意佢嘅牛肉面，而我就念念不忘佢杯士多啤梨绿茶。牛肉面真系几好，热辣辣上枱，牛肉有两三件，忟得好入味，又够稔，至于汤底呢，浓郁但清新，可能佢加左大量芹菜所以咁香，份量就少左d.不过一般女仔食就刚刚好。士多啤梨宁桃茶，大量新鲜士多啤梨，好好饮，香港食店真系好少有士多啤梨的水果茶！如果有，记得留言话声我知！