華記士多 (已結業)

西湾河系我心目中一直系一个美食天堂,除咗有太安楼之外,一定要推介呢间十分地道嘅咖喱蛋包饭。虽然我写系士多，但其实佢又称唔上系，因为基本上佢只得三样野卖: 咖喱蛋包饭，芝士咖喱蛋包饭，肉燥饭。呢度最出名食蛋包饭，不过我怕漏，所以点无加芝士嘅蛋包包饭。一上枱卖相巳经好吸引，只蛋软绵绵咁，唔会觉得太生亦唔会太熟而导致太干同硬身，食落十分嫩滑。咖喱汁唔系日本𠮶只，所以相对无咁甜，虽然我无加芝士，但因为蛋包饭入面都有d芝士喺度所以味道都比较浓厚。最有诚意系蛋包饭入面，个饭用左头油炒过，所以好够味，仲加埋鸡肉，无肉不欢嘅我当然十分喜爱！不过最好加返杯野饭，因为个味道都算几重。不过最后要讲一讲个环境，好地道，有大排挡嘅感觉，所以都会有乌蝇飞黎飞去，所以如果有洁癖嘅朋友就唔太推荐。