影片
更多
2020-05-30
3918 浏览
是日星期六，陪老婆返公司攞数，出开尖沙咀，就顺便食埋晏。自一月尾至今，都真喺无试过两公婆晌美孚区以外嘅地方一齐食嘢。而日本嘢亦好耐无食过，所以，近近哋嚟到「元气」，平平哋食番餐廻转寿司。餐厅嘅防疫措施都做到足，一入门口量体温，备有消毒搓手液，又以隔板间开啲位，又或加高卡位嘅椅背挡，务求减低传播风险。入座后一切全自助，纸巾、芥末、七味粉、酱油放晒晌枱上，热水自已斟，就连点餐都可以自助，以手机程式就能够一手搞掂，清清楚楚，又唔怕有漏单。蟹肉蟹膏军舰 $10小弟一向都颇喜欢唔使自己动手拆蟹嘅菜式，所以，专登点呢一款军舰。卖10件，抵食㖞，因为蟹肉、蟹膏都落得无欺场，确喺食到蟹嘅鲜味，仲加埋蟹籽做点缀并加添口感，整体嚟讲值回票价。帆立贝配日向夏柑橘汁 $17呢款喺睇到旁边嘅介绍，元气新推介，加上帆立贝我都钟意，所以，试咗一客。唔喺讲笑，件帆立贝真喺坚大粒，色泽晶莹，睇见都好吸引。而面面放咗紫洋葱及柑橘果蓉作提味，帆立贝入口口感柔嫩而清甜，味道清爽带橙香，好啱夏天去试。蝾螺 $14啲寿司按自己喜好各自点，老婆嗌嘅蝾螺就一客有两件，可以同佢一人试一件。螺肉切成薄片，令口感一致，而且，柔烟有咬口，有
餐厅嘅防疫措施都做到足，一入门口量体温，备有消毒搓手液，又以隔板间开啲位，又或加高卡位嘅椅背挡，务求减低传播风险。
入座后一切全自助，纸巾、芥末、七味粉、酱油放晒晌枱上，热水自已斟，就连点餐都可以自助，以手机程式就能够一手搞掂，清清楚楚，又唔怕有漏单。
蟹肉蟹膏军舰 $10小弟一向都颇喜欢唔使自己动手拆蟹嘅菜式，所以，专登点呢一款军舰。卖10件，抵食㖞，因为蟹肉、蟹膏都落得无欺场，确喺食到蟹嘅鲜味，仲加埋蟹籽做点缀并加添口感，整体嚟讲值回票价。
蟹肉蟹膏军舰
$10
15 浏览
0 赞好
0 留言
呢款喺睇到旁边嘅介绍，元气新推介，加上帆立贝我都钟意，所以，试咗一客。
唔喺讲笑，件帆立贝真喺坚大粒，色泽晶莹，睇见都好吸引。而面面放咗紫洋葱及柑橘果蓉作提味，帆立贝入口口感柔嫩而清甜，味道清爽带橙香，好啱夏天去试。
帆立贝配日向夏柑橘汁
$17
7 浏览
0 赞好
0 留言
啲寿司按自己喜好各自点，老婆嗌嘅蝾螺就一客有两件，可以同佢一人试一件。螺肉切成薄片，令口感一致，而且，柔烟有咬口，有阵阵螺肉嘅甜味，比预期好。
炙烧黑椒蚝 $10老婆唔想一次过食得太多生嘢，所以，佢就点咗几款炙烧系嘅寿司。佢特别点咗呢款烧生蚝，虽然只喺炙烧，即表面辣一辣吓，但感觉已安心好多。佢话只蚝颇有蚝味，而洒咗啲黑椒粒上面，惹味好多。
炙烧味噌长鳍吞拿鱼 $10虽然话喺炙热，但睇外观就好似无乜点烧过吓，哈哈！由于加咗啲味噌、酱油，再放上少少牛蒡丝及葱粒，所以，老婆话味道多变，但又唔会错过到吞拿鱼嘅油润香味。
炙烧味噌长鳍吞拿鱼
$10
8 浏览
0 赞好
0 留言
小弟试咗新推出嘅带柑橘香嘅帆立贝，老婆亦试咗款炙烧味噌帆立贝。跟上面嘅长鳍吞拿鱼好相似，都喺放有牛蒡丝及葱粒，加上粒帆立贝本身喺有质素嘅，整体食味好好，老婆都赞。
炙烧味噌帆立贝
$17
6 浏览
0 赞好
0 留言
一见炙热，就喺老婆点嘅款式，平时我哋好少食蟹柳，因为，经常遇到啲好沟粉嘅货式，所以，呢次见佢皇帝蟹柳就搏搏试一试。一客有两件，我哋大家都可以试到，啲蟹柳嘅质感明显唔喺劲沟粉𠮶啲，唧咗啲芝士酱，又几唔错㖞。
他他白鱼天妇罗 $10一大件炸白鱼柳，沾上沙律酱，冚晒成嚿寿司饭。食落，口感绝对喺炸鱼柳配白饭，哈哈！其实味道唔错，件白鱼天妇罗炸得唔油，而寿司饭捏得松软唔会太死实。
柚子酱油吞拿鱼 $19老婆点咗多款炙烧寿司，亦点番款较生嘅寿寿司。虽然睇落呢款酱油吞拿鱼寿司红得嚟好似摆喺橱窗啲模型咁，但入口吞拿鱼颇有鱼味，以柚子、酱油腌渍过，食味真喺几好啫。
$19
$19
3 浏览
0 赞好
0 留言
之前所点嘅天妇罗寿司几好，所以，追加一客野菜天妇罗，有两件南瓜、两件茄子，前者口感非常粉甜，而后者则十分软绵最紧要喺一口咬落唔会酒淋淋。
牛油果软壳蟹卷 $22最后加多一客寿司卷及乌冬垫肚，牛油果软壳蟹喺老婆认为嘅心水配搭之一，除牛油果、软壳蟹之外，仲卷住青瓜，添加埋蟹籽，故此，口感甚富层次，味道丰富。
牛油果软壳蟹卷
$22
7 浏览
0 赞好
0 留言
碗乌冬见佢卖$29，估计都唔会太大碗，份量刚好啱晒我哋两个「些牙」，却又唔会太滞肚。虽然只卖廿零蚊，但一样交足货，三大粒帆立贝，煎得有牛油、蒜香，而乌冬够晒滑身，口感却又带烟韧，老婆极之欣赏碗乌冬。
蒜牛帆立贝乌冬
$29
18 浏览
0 赞好
0 留言
最后，都影影我哋嘅战绩，唔觉唔觉扫咗10碟寿司、一客天妇罗、顶多碗乌冬，对某啲人嚟讲唔喺咩嘢，但老婆唔喺大食之人，呢个份量对我哋嚟讲算喺食多咗。
埋单都喺二百头，除咗食到饱之外，更品尝到唔同嘅味道及有质素嘅食材。总之，能够食得尽兴，就喺幸福嘅一种。
张贴
