德美壽司

营业中

休息中

今晚揾食到德美寿司。呢度算系尖沙咀地段少数又唔贵又好味嘅日式餐厅，环境相对地热闹，有啲似居酒屋风格，同三五知己一齐饭聚就最适合。菜单方面都应有尽有，真系好想每个种类都试吓，可惜我个胃同银包一样咁细XD最后点咗寿司、串烧、天妇罗、石头锅饭。寿司盛合 美池鱼、带子、三文鱼、车海老、油金鱼、赤身、三文鱼子、鳗鱼、京葱拖罗蓉小卷。每件都鲜味十足，唔系连锁店货色或者腥腥寿司。串烧牛舌几乎每次都会点，最欣赏系皮脆肉弹牙，牛味够浓，只系太细份唔够喉。温泉蛋天妇罗软绵绵嘅流心蛋外层包住脆口嘅天妇罗炸粉，唔油腻，蛋味香浓，手工一流。广岛蚝石头锅饭我自己嘅食法系将南瓜、里芋、紫薯等野菜连同酱油完全搅匀融入锅饭当中，别有一番风味。而蚝嘅肉汁鲜味都有留在锅饭入面，相当出色。餐厅服务都好周到，加茶收碟时间掌握得好，最后甜品三色糕系餐厅送嘅，红豆、椰汁、抹茶，上面有芒果酱，好满足。