櫻羽居

营业中

休息中

难得今晚想食寿司，见阿妈唔系煮咗好多饭，所以买咗两盒可以一家人食。长沙湾都冇乜嘢寿司店选择，除咗元气之外，我都系去呢一间寿司店买外卖返屋企食。买咗一盒大，原价＄128 ,而家减价＄98 ,有21旧寿司，除番开大约＄5/1件，咁望落都叫做新鲜嘅，种类款式唔算多，个人觉得最好食嘅反而系火炙蟹柳寿司，可能特别钟意烧过嘅寿司啦，哈寿司都好新鲜，三文鱼同埋其他寿司就一般啦，唔系太重鱼味。另外细盒就＄58/12件，其实纯粹系为咗帆立贝而买，饭嘅份量适中，不过都系果句啦，刺身较为一般，都系冇选择下嘅唯一选择。佢哋嘅Wasabi系特别辣嘅，平时需要两包Wasabi ,食佢哋嘅寿司可能开一包就已经足够。