影片
更多
2024-02-21
663 浏览
琴日老公同我去广华覆诊，哗！而家广华医院劲靓，靓过私家医院呀！覆完诊就去揾食，本来打算去食韩国菜，点知去到门口，又觉得佢流流哋，仲要入座后得40分钟，野食都未拣到就够钟啦🫠，所以打算去打边炉，又点知，经过间日本菜，见到鹅肝温泉蛋饭，有3块鹅肝，都只系$128，咁就比佢吸引左😍。入到去，店员首先提醒我哋，舖头唔收现金，可能上次游客事件😂。餐厅装修感觉舒服，有吧台或普通台选择。我哋叫咗2个set lunch，一个系丰洲寿司盛御膳寿司拼盘、一个系香煎鹅肝配泉蛋丼，再加$28要咗个茶碗蒸。丰洲寿司盛御膳寿司拼盘+稻亭素面 $188寿司🍣上面嘅鱼生每一件都好新鲜、好肥美，共有12件加一件玉子烧，我最钟意就系海胆寿司同吞拿鱼寿司。海胆寿司嘅味道好鲜甜、吞拿鱼好香鱼油味。咪有件玉子烧嘅，其实我系一个好唔钟意食玉子烧嘅人，但我老公食咗半嚿，话好好食，同出面𠮶啲唔同，我就即管试吓，又真系几好食㖞，唔系死实实咁，唔错。而稻亭素面，汤底清甜，面质有口感。面鼓汤（跟餐）我本来系劲钟意饮面鼓汤嘅人，但呢碗面鼓汤，唔知点解觉得怪怪哋，佢又甜又咸，可能系我唔识嘢，放弃咗😂。沙律菜（跟餐）沙律菜好新鲜，配上麻酱，好好
入到去，店员首先提醒我哋，舖头唔收现金，可能上次游客事件😂。餐厅装修感觉舒服，有吧台或普通台选择。
我哋叫咗2个set lunch，一个系丰洲寿司盛御膳寿司拼盘、一个系香煎鹅肝配泉蛋丼，再加$28要咗个茶碗蒸。
丰洲寿司盛御膳寿司拼盘+稻亭素面 $188
寿司🍣上面嘅鱼生每一件都好新鲜、好肥美，共有12件加一件玉子烧，我最钟意就系海胆寿司同吞拿鱼寿司。海胆寿司嘅味道好鲜甜、吞拿鱼好香鱼油味。
咪有件玉子烧嘅，其实我系一个好唔钟意食玉子烧嘅人，但我老公食咗半嚿，话好好食，同出面𠮶啲唔同，我就即管试吓，又真系几好食㖞，唔系死实实咁，唔错。而稻亭素面，汤底清甜，面质有口感。
面鼓汤（跟餐）
我本来系劲钟意饮面鼓汤嘅人，但呢碗面鼓汤，唔知点解觉得怪怪哋，佢又甜又咸，可能系我唔识嘢，放弃咗😂。
沙律菜（跟餐）
沙律菜好新鲜，配上麻酱，好好食。
茶碗蒸 $28
茶碗蒸上面一层有啲蟹肉芡汁及三文鱼子，蛋内仲有一旧大蟹肉，好弹牙，好食。
香煎鹅肝配泉蛋丼 $128
喺店外见到幅相以为系石锅，但上菜嘅时候原来系胶碗😅，鹅肝味道有点甘苦味。喜唔喜爱就见人见智喇😂！温泉蛋就好香蛋味。
整体嚟讲：寿司会比较出色，食日本菜应该食番日本食材好啲，下次我会醒目啲🤣。
另加10%服务费。
店铺资料 🏢: 鮨乐
地址: 尖沙咀加连威老道12号加连威大厦地舖
张贴
