雲壽司 (聯成商業中心)

营业中

休息中

香港人系咪食开_? 咁少负评，俾正评个d系咪全部打手？！之前见有人系fb post呢间，咁就特登出去铜锣湾食啦。门面都ok，少过10个位左右，得条好窄既路（一个人身位）行，典型寿司细舖格局。一借佢洗手间用就黎料啦，个块暖帘后面好污糟，见两个师傅／员工坐系d发毛既椅度训觉同hea－无意批评员工，佢地休息无问题－但个卫生实在太恶劣！成个垃圾岗咁！厕所地下成地水唔洗讲，后巷卫生差左，可想而知平日夜晚有几多米奇甲由经过，当你谂到d食材系经呢个咁污糟既后门入间舖时。。。服务一般般，叫左个自选10件寿司。但，每件寿司都细到乜咁！我个口唔大，但一啖就吞晒。每件都bitesize咁，争鲜d寿司都大过佢！我俾＄160连加一，埋单total 18x，但系就食d咁细件既寿司？！另外，寿司质素都好普通，唔算难食，但真系就咁摆鱼生上饭上面，完全无调味。食落口真系同争鲜无乜分别（仲要细份d）唯独佢绿茶粉ok，好似回转寿司咁自己冲。俾埋钱真系一肚气，咁细件，又食唔饱，明明无乜服务都收个加一，埋单接近200蚊一位，200蚊既我有其他更好选择。