隨您鍾意 (已結業)

睇波日，唔食外卖pizza，食寿司。其实食过N次，通常都系外卖自取/速递，都有好有唔好，又写下。赞︰甘虾及牡丹虾，两款都食落肉爽弹牙鲜甜。甘虾，个虾够哂多膏，多次食水准都KEEP到，$5X一盒，我觉得呢个价位有呢个水准，比一般寿司连锁店或者日本超市更抵食。牡丹虾，虾头啖啖肉，唔记得几钱，印象都系几抵食。海胆鱿鱼寿司，唔好用新鲜海胆黎比较，呢个用海胆捞埋鱿鱼做寿司，有重重海胆味，浆浆地，加埋鱿鱼既咬口，好食既海胆鱿鱼寿司。同系既黄金鱿鱼真系比下去。弹︰北寄贝、蟹柳，水准真系麻麻，超市也做得好过呢到。大路︰小食八爪鱼同螺，味道未食都知系点样，纯粹都系当时想食。其他寿司，水准真系一时时，个人喜好的选择。小卷，青瓜料同猪肉松都几稳阵，好似$10蚊条，都几抵食。好的说不上，不过叫做经济抵食。日式超市或者寿司连锁店以外，叫做多个选择。