築地日本料理 (金百利廣場)

营业中

休息中

平时去金百利食都系食𠮶两间平野，其他餐厅冇乜兴趣。不过，去openricehk 揾食，睇中左呢间筑地日本料理 。佢嘅野食好多款式，价钱亦几抵。第一当然食下冷盘头盘啦。呢个三文鱼腩刺身真系不得了，一件6件，每件又厚又肥美！好味呀🤤寿司方面都几吸引，亦多选择。我就俾啲圈物吸引左，叫左加州卷同味之鳗。加州卷好难会做得难食😂味之鳗好满足，食完版两碟寿司已经饱左3份一。铁板牛舌几惹味。份量OK, 不过就薄左啲，味道正常。我自己钟意煎多啲，呢个用炒嘅我觉得麻麻，口感冇咁爽脆。小食炸软壳蟹正正常常，炸粉厚左少少，但ok。最后呢个牛肉野菜寿喜烧推荐呀！又有肉食又有菜食，跟一只生鸡蛋。个锅滚紧时再打只蛋睇住佢熟真系好治愈。相睇个锅好似好细咁，其实下底有好多菜，浸左喺甜豉油汤啲娃娃菜超好食，我呢个唔爱食菜嘅人都食左好多菜😂我一定会再黎，野食唔错，选择多同埋价钱抵食呀！尤其个寿喜烧我系好推荐。