牛気 (希慎廣場)

营业中

休息中

琴晚临时无订位直接去左食，安排坐2人枱。当时6点有颇多空位，见其他2个人嘅都坐紧4人枱，所以有问有冇其他位，但话其他都俾人订哂。两个人，朋友钟意寿喜烧汤所以就拣左，要加$10。一开始食牛同食左旧响铃，个汤浓（甜）到系食咩都几乎食唔到食材嘅味，净系食到寿喜烧嘅味，仲要食完即刻饮野冲番啖个口。朋友有用生蛋汁配黎食，所以佢尚接受到。个汤一黎系好满下嘅，唯有谂住等佢滚下少啲水再叫人加汤个阵加热水算。我叫加汤个阵，个侍应都自动问确认系咪加水唔系加汤，话会太浓，姐系其实根本佢哋都知食客一般都觉得寿喜烧个汤太浓，咁点解佢哋唔同厨房沟通下呢？唔通想食客一坐低一食就叫你拎番入去倒走部分汤然后加水拎番出黎？以前间唔中都有去食，可能几个月一次，都系叫寿喜烧汤，之前一路都正正常常。除开食成400蚊一个人，但因为个汤根本无食到啲乜，好sad。