酒鍋 (V Point) (已結業)

今年生月，大肥爸爸先请咗小肥去美加游玩，返港后即由甜心儿接棒，请去「酒锅」烚住庆生。其实之前同家人都黎过火锅店几次，打过边炉亦饮过茶，所以对潮派o既装潢及有窿o既椅背一啲都唔陌生。不过今次重临惊喜都有二：第一就系见到个风水酒池。第二就系两口子可坐窗边四人枱，享用晚餐时可亲证香港靓景由天晴转为黄昏，到黑夜都一样咁靓，令气氛变得份外浪漫。搞笑小插曲则有一：唔知大家见到下图中地上绿色o既陶瓷会谂起啲乜呢？！正当女朋友仔陶醉地高歌「Oh, my love… my darling…」，XO仔脑海就浮现出常欢与荷里玉于贺岁片中场经典戏份。。。跟得男友最爱女方话哂事，嘻嘻，点𩠌当然系唔会嘥脑汁啦！小肥因仲有时差，故罕有地弃饮啤酒。。。但都忍唔住叫咗set有少少酒o既「清酒菠萝冰沙」。清酒菠萝冰沙（$168/四杯）：四合一o既冰沙杯以云雾腾出，相当震撼。清酒菠萝冰沙酒味淡薄，菠萝味微甜清新，整体极之清爽。点好菜，即由茶壶混酱十六式「酒为上酱」（$22/位）揭序。一酒鸟之（$198）：以椰青、清酒、花甲、椰子同鸡所炖制o既酒锅汤底果香浓厚，甜度更足以为所烚煮o既配菜调味，都几得意。秘制麻辣鸭血（$88）