牛霸小麵店 (已結業)

呢间唔太起眼嘅台湾面店位于小巷内，环境走型格复古工业风配美式漫画嘅霓虹光管，店员全部都系大只仔，真系由地点、环境，甚至店员都好有特色😆另自行用QR Code落单，非常方便。💪🏻红烧牛肉面（$68）面质比较扁身，软硬适中；汤底好浓，带微微药材味及香浓嘅牛味； 红烧牛肉好好食，份量够多，大件得嚟又炆得好腍好入味👍🏻💪🏻肉燥香葱盐酥鸡干伴面（$62）肉燥同香葱都好多， 盐酥鸡份量足够，一口一件，椒盐好惹味，拌匀后嘅伴面又香又好食😋💪🏻台湾夜巿大拼盘（$98）份量非常丰富，款式又多👍🏻有炸花枝丸、炸鸡翼、盐酥鸡、路边小红肠、木鱼炸豆腐。每样食材都新鲜热辣炸起，炸得酥脆又唔干身，最有特色系木鱼炸豆腐，炸完嘅豆腐加上木鱼再淋上糖浆，口感几特别，味道甜甜地。💪🏻台式奶茶（跟餐+$7）台湾嘅味道，仲可自选甜度及冰嘅多少，好贴心。💪🏻桂圆红枣茶（跟餐+$7）拣咗微甜走冰，饮落有淡淡嘅桂圆及红枣香，味道微甜润喉。