牛屋餐廳

营业中

休息中

正如禁题所讲，夏天不能去的扒房系因为当日我哋坐嘅位置系楼梯底亦系厨房出菜位置，一坐底无几耐，完全感受唔到冷气，Order时问店员可唔可以开大少少冷气，但原来因舖头太旧关系冷气已经开到最大，依到俾一个建议系即使冷气开晒/舖头太旧，都可以添置风扇令到室内空气流通一点。不过最唔开心既系，埋单走人嘅时侯发觉舖头门口对出既位置系有冷气风的，而店员知我哋坐嘅位置较热都无主动提出调过去，不过依间系一间平价扒房，所以我唔可以要求店员有体贴嘅水准。讲返食物先，当日叫左两个餐：威灵顿牛柳、黑椒牛仔骨（西冷同肉眼都卖晒）餐汤+$18 有得转酥皮 几不错餐包牛油太少太少了，有去过应该明我所指嘅太少系点，少到我以为未搽佢俾漏左牛油我......睇网上食评大家都讲二百几蚊可以食到威灵顿牛柳性价比高，但我只可以讲依个系一个酥皮加牛柳并唔系传统工序好多既威灵顿牛柳，但酥皮系好味的。而负评俾薯条系因为 完 全 唔 热，可以讲系开店炸起无保温无翻炸，非常失望！黑椒牛仔骨就味道可以，系旧底扒房可以揾到既黑椒汁味。