影片
更多
2023-07-10
379 浏览
呢排真系热到人都癫！收咗工最好就系去间舒服嘅餐厅叹住冷气食好嘢，人生其实好简单唔好咁多是非多啲好嘢食就好开心㗎喇。今次同老婆大人去到皇家太平洋酒店嘅Pierside，试餐厅七月啱啱出炉嘅夏天新菜单。大乡里嘅我第一次嚟呢间餐厅，室内环境够大座位好舒服，加埋有落地玻璃望到夜晚宁静嘅海景真系几盏。我哋今次嚟食嘅就系呢个Summer Delight Dinner Menu，一坐低侍应就送嚟面包有黑蚊蚊嘅竹炭包同埋果仁包，两款都暖笠笠好软熟加埋牛油食就系正。呢个新套餐有四道菜头盘系荷兰番茄流心水牛芝士沙律，芦笋同埋荷兰番茄好新鲜加埋又香又滑嘅流心水牛芝士，呢个沙律味道清新得嚟口感好好。老婆大人饮牛油果青瓜冻汤怕冻嘅我梗系拣热汤啦！我呢个系青豆忌廉汤又香又滑而且一啲豆青味都冇味道好香甜，加埋脆卜卜嘅面包粒同埋烟肉劲好饮。老婆大人嘅主菜系香烤猪排骨扒菠萝，大份到要俾咗其中一件嘅猪肋骨我，又益我食多份多谢晒喇。爱牛如命嘅我梗系加$60叹件香烤西冷牛扒，牛扒配菜仲有巴马臣芝士火箭菜，我呢件西冷嘅熟度做得啱啱好，切开入面肉质仲系嫩嫩嘅粉红色，点啲阿根廷青酱食别有一番风味。甜品系睇见都清凉嘅雪糕新地，用咗啲
今次同老婆大人去到皇家太平洋酒店嘅Pierside，试餐厅七月啱啱出炉嘅夏天新菜单。
大乡里嘅我第一次嚟呢间餐厅，室内环境够大座位好舒服，加埋有落地玻璃望到夜晚宁静嘅海景真系几盏。
我哋今次嚟食嘅就系呢个Summer Delight Dinner Menu，一坐低侍应就送嚟面包有黑蚊蚊嘅竹炭包同埋果仁包，两款都暖笠笠好软熟加埋牛油食就系正。
呢个新套餐有四道菜头盘系荷兰番茄流心水牛芝士沙律，芦笋同埋荷兰番茄好新鲜加埋又香又滑嘅流心水牛芝士，呢个沙律味道清新得嚟口感好好。
老婆大人饮牛油果青瓜冻汤怕冻嘅我梗系拣热汤啦！我呢个系青豆忌廉汤又香又滑而且一啲豆青味都冇味道好香甜，加埋脆卜卜嘅面包粒同埋烟肉劲好饮。
老婆大人嘅主菜系香烤猪排骨扒菠萝，大份到要俾咗其中一件嘅猪肋骨我，又益我食多份多谢晒喇。
爱牛如命嘅我梗系加$60叹件香烤西冷牛扒，牛扒配菜仲有巴马臣芝士火箭菜，我呢件西冷嘅熟度做得啱啱好，切开入面肉质仲系嫩嫩嘅粉红色，点啲阿根廷青酱食别有一番风味。
甜品系睇见都清凉嘅雪糕新地，用咗啲海水蓝色啫喱伴碟，感觉好似喺大海一样咁清爽。
杯入面嘅系一球雪糕一球雪葩，食完凉透心啱晒呢个咁热嘅夏天。
Pierside Bar & Restaurant电话：27382398
地址：尖沙咀广东道33号皇家太平洋酒店海景翼大堂高座
张贴
