阿夫利拉麵 (The ONE)

营业中

休息中

Afuri Ramen - 原来呢间过江龙，The One就有一间，睇返原来佢哋系一间于2019-2020年开始红嘅一间拉面点，同年佢哋就系香港开咗间分店。见咁耐我哋都未去朝圣，机缘巧合下我哋就去咗食。柚子酱油拉面 ⭐⭐⭐/⭐x5 推荐指数 - 108$上菜嘅一刻，柚子味芳香扑鼻，见到汤底嘅颜色就知佢系一个好正宗嘅酱油汤底味道，可惜叉烧份量少咗啲，就只有薄薄嘅一片。汤底饮落口... 柚子味呢？原来柚子味都只系掩饰，整个过程只有酱油汤底嘅味道，酱油味只系合格，始终比唔上喺日本食到嘅味道🥲 不过喺香港止下瘾就足够了。喺面底方面，感觉上佢比较有特色，眼见有明显嘅小麦纤维，食落口都好似荞麦面，面条够弹牙，而且食到最后都冇话淋晒，值得一赞。👍至于其他食材方面都比较一般，流心蛋嘅酱油味都较为突出，几好食。但系竹笋时粗时幼，而且有啲都好老好多纤维。