影片
更多
2019-06-30
98 浏览
粉中啲食肆都开得嘅靓，其中呢间越一我自己都几钟意。尤其是呢排好热好焗真系想食啲清新啲嘅嘢，越南菜啱晒呀！特饮就唔少得啦，热到咁样！！青柠疏打，三色冰，薏米水，正呀凉透心！老友去到边度都系食海南鸡，而佢话，粉岭嘅海南鸡，呢间水准排第二高！咁都几高㗎喇，佢好少会赞嘢好食㗎。生熟牛肉檬粉，呢度嘅招牌菜啦，份量好大，唔错！牛肉份量都多嘅，夹埋啲生洋葱，生芽菜，爽口！汤头几好，见到都觉得唔油腻，甜甜地，调味对胃唔口渴，可以饮清碗！香茅猪扒捞檬又系必食，块猪扒大到要Share比啲男同事先食得晒！干花生蒜粒够多，我觉得酸萝卜丝就少咗啲，欠咗少少酸劲。呢度嘅鱼露都系偏淡嘅，咁食就健康啲，但系好钟意酸嘅我就觉得如果再重口味啲就更加好。猪扒真系好厚切㗎！煎得唔错，香茅味就弱少少，不过最近食过咁多地方嘅香茅猪扒，都系香茅味弱，唔知系咪香港香茅贵？今日5个同事一齐食，就叫多咗个避风塘Style软壳蟹试下。哗～好大碟，系好大碟！我都未见过咁大只软壳蟹！！我谂呢度起码都有两三只，好多肉，唔系出面得个壳得啲炸粉嘅质素，超正！啲避风塘用来捞落啲捞檬度好正，辣辣地咁！整体嚟讲，抵食嘅，晚饭时间讲真间间都差唔多钱㗎喇，咁
粉中啲食肆都开得嘅靓，其中呢间越一我自己都几钟意。尤其是呢排好热好焗真系想食啲清新啲嘅嘢，越南菜啱晒呀！
特饮就唔少得啦，热到咁样！！青柠疏打，三色冰，薏米水，正呀凉透心！
老友去到边度都系食海南鸡，而佢话，粉岭嘅海南鸡，呢间水准排第二高！咁都几高㗎喇，佢好少会赞嘢好食㗎。
生熟牛肉檬粉，呢度嘅招牌菜啦，份量好大，唔错！
牛肉份量都多嘅，夹埋啲生洋葱，生芽菜，爽口！
汤头几好，见到都觉得唔油腻，甜甜地，调味对胃唔口渴，可以饮清碗！
香茅猪扒捞檬又系必食，块猪扒大到要Share比啲男同事先食得晒！干花生蒜粒够多，我觉得酸萝卜丝就少咗啲，欠咗少少酸劲。呢度嘅鱼露都系偏淡嘅，咁食就健康啲，但系好钟意酸嘅我就觉得如果再重口味啲就更加好。
猪扒真系好厚切㗎！煎得唔错，香茅味就弱少少，不过最近食过咁多地方嘅香茅猪扒，都系香茅味弱，唔知系咪香港香茅贵？
今日5个同事一齐食，就叫多咗个避风塘Style软壳蟹试下。哗～好大碟，系好大碟！我都未见过咁大只软壳蟹！！我谂呢度起码都有两三只，好多肉，唔系出面得个壳得啲炸粉嘅质素，超正！啲避风塘用来捞落啲捞檬度好正，辣辣地咁！整体嚟讲，抵食嘅，晚饭时间讲真间间都差唔多钱㗎喇，咁拣间啱食会开心好多。
张贴
