銓滿記餐廳小廚 (已結業)

夏天流流，热辣辣好难有胃口，但系自己就有铺瘾钟意食煲仔饭d焦。所以自己一丁友晚饭个阵去番楼下食开间铨满记。一如以往，一个煲仔饭连汤野饮加菜$70蚊有找，除非你叫有黑松露既个种，否则就贵d。叫左自己钟意既肉饼再加$6有只窝蛋，冷气够劲，唔洗话夏天食热野咁辛苦。老板即叫即煲，够晒火辣辣，依家可能少人啦，上菜算快，但未够前火候，因为饭焦唔够多，只得小小痴住个煲。如果可以多D脆扑扑既饭焦就好!个肉饼好足料，而且又唔会好实好硬，同只滑蛋沟埋真系好正! 碟油菜就正正常常，系厌豉油唔够多，小小淡。水准依然保持一贯既程度，留待冬天再试真点。