大尾篤麥師傅 (已結業)

去大尾笃烧野食一定系拣麦师傅，好简单，性价比之王！今次星期日黎每位先$200,包两罐饮品,另外加开炉费，食物任烧可以烧足5个钟。我地呢日晏昼4点咁上下去到，都好多人烧紧，宜家新个款炉可以放个网系上面，真系岩晒我呢Ｄ懒人，放啲扒上去就岩晒，唔系自己拎住支叉咁耐。佢啲野食选择算多,有丸类、肉类都有唔同口味,仲有少少蔬菜e.g.粟米、翠玉瓜等。一去到拎第一转野食会咩都俾你，一个红色盘装晒，食晒再出去refill自己想食既野。仲有一袋面包、蜜糖、纸碟、纸巾、胶叉俾你麦师傅呢到出名食佢既猪扒，好入味，用佢教既放法大火低烧，几十秒翻一翻，避开油火，真系烧得几靓，又唔会㶶晒，好好食！鸡翼都烧得好好，有蒜蓉、麻辣、咖哩、孜然、南乳，我最钟意系蒜蓉味，烧出黎咬开仲好滑！！肉类猪颈肉都好好食，佢啲肉好新鲜，可能真系多人帮衬Ｄ食物去得好快，食唔到有雪味。丸类我自己就钟意食烧卖，烧完好弹牙。个场好大，我地walk in 黎都唔怕无位，上次Christmas同朋友去烧野食，佢地拣左大尾笃另一间，真心好后悔，麦师傅好好多！呢到仲有其他野玩，例如系捞金鱼、夹公仔机，真系一家大细都岩玩。