甜源居

营业中

休息中

假期去咗西贡闲逛，食左个丰富嘅晚餐，然后再沿海滨行左阵，仲系有啲意犹未尽，就同朋友揾左间糖水铺坐下，吹下水咁。🔆招牌杨枝甘露食杨枝甘露最紧要够冻，咁就啱哂天时暑热嘅天气。上枱嘅时候冻冰冰超正，芒果嘅味道香甜，仲有好多丝丝嘅柚子肉，而西米唔会太淋，入口爽弹，绝对系完美嘅配合。🔆榴莲班戟榴莲控一定会喜欢，啖啖嘅榴莲肉十分丰富，清甜得嚟带点甘香，而忌廉十分幼滑，两者口感十分配合。班戟嘅外皮唔会太厚，入口软绵绵。🔆朱古力沙冰平时食沙冰我都会食生果味道多，不过见已经有2款生果，就试下个朱古力味啦。浓浓嘅朱古力酱配合埋朱古力沙冰，味道十分香浓，配埋棉花糖食十分有层次。