極品靚鍋 (已結業)

香港地一年四季，任何时候都可以打边炉。夏日炎炎，热屎辣辣，凉住冷气食住雪糕打边边更加爽。今日试咗荃湾大鸿辉嘅极品靓锅，确系火锅放题之选。一入场便见到一大个饮品放题柜，最钟意系佢有好多自家制冷泡茶、凉茶任君选择。唔想饮太多甜野，可以拣几款唔同类型嘅凉茶饮，认真健康。食物方面，多款牛肉任君选择，而且质素非常高，随时encore无限碟。汤底我哋叫咗酸菜胡椒猪骨汤，酸菜好开胃，胡椒味够浓。所有自选配料都系用手机QR code，每碟份量会按人头比例俾你，细细碟，可以叫多好多样嘢食，而且上菜都非常之快，落单后5分钟内即到。我觉得牛筋、花胶、竹笙、云吞都相当好食。