東京街日本料理 (西洋菜南街)

营业中

休息中

天气超热完全唔想食热嘢，决定食日本嘢降一降温。咁啱去开旺角附近就决定去东京街食个午餐。先叫咗个火炙寿司拼盘，一共十二件，摆盘超用心绝对系打卡able ! 每一款都几唔错而我自己最钟意系佢嘅牛油凡立贝，牛油刚好融化，保留到带子爽弹口感。另外佢火炙三文鱼超大件，大到连旧饭都夹唔到阿，熟度烤得刚刚好唔会太干，身为三文鱼怪嘅我表示满足。火炙牛肉都几推荐，厚肉烧得刚好唔会韧又食得到牛香整体嚟讲十二件寿司都系好味嘅！仲有份炸蟹钳，炸到热辣辣咁上枱加埋泰式鸡酱绝对系热气邪恶之选。另外仲试咗个牛油果沙律去一去油腻，点知咁鬼大份，蔬菜都清爽新鲜，表面仲铺满牛油果，咁大份如果有人同我share 就好啦！店员都系抱住同一信念嘅年青人，就算过咗繁忙时间都不乏当食同外卖嘅客人，希望佢地越嚟越好生意。