八〇

营业中

休息中

夏天热辣辣，系出面行街行咗一阵，都已经有啲攰，想坐低唞一唞，食个lunch先。原来个lunch menu 有A-K选择，好多嘢拣，选择困难症真系好难下决定，加上胃口麻麻地，最后拣咗几样味道辣辣地，酸酸地既菜式，开开胃呀嘛。1份三文鱼牛油果油醋汁沙律：食沙律无咁heavy，健康d，而且牛油果同三文鱼呢个配搭，配埋沙律一齐食，唔会咁寡，无得输！1份松叶蟹柳喇沙意大利面：呢一份海鲜意大利粉，fusion咗喇沙一齐煮，入面夹杂咗蟹柳丝、蚬肉、虾肉等等既材料，好惹味，辣度适中，容易接受。饮品就试试餐厅既特色咖啡先～西柚咖啡汤力：咖啡香醇，汤力水带绵密气泡，两者混合一齐，味蕾有种说不出嘅冲击。