影片
更多
2012-10-14
914 浏览
今次嘅试食会, 系去位于九龙湾德福花园嘅德艺会, 一见到已经兴奋不已... 多年前曾经系德艺会会员, 每星期总有几日会系德艺会流连... 今日再有机会去, 感觉好似约咗老朋友食饭咁...德艺会进行咗大规模翻新工程, 宴会厅焕然一新, 行入去有WoW一声嘅感觉... 呢度... 真系我以前经常流连嘅德艺会?!!四四方方嘅宴会厅, 特高楼底, 水晶吊灯, 极之适合摆酒席... 个台仲好靓呀!!! 系我最钟意嘅紫色同白色呀!!! 仲有朋友最钟意嘅楼梯呀!!! 哗哗哗... 仲有公主专用嘅南瓜马车呀!!! 好靓好浪漫呀!!! 如果可以著住晚礼服同另一半一齐坐系上面影相就好啦~ 简直好似置身童话世界入面咁呀!!!开餐前, 收到德艺会送嘅神秘礼物... 免费1天贵宾会籍!!! 多谢晒呀!!! 近期日食夜食, 真系好需要做吓运动减肥啦~好o野, 开餐啦!!!香芒沙律船 -- 哗!!! 好Kawaii呀!!! 我觉得造型好似龙虾仔, 唔知你又觉得似d咩呢?!! 什果沙律同蛋黄酱(Mayonnaise)绝对系最佳拍挡, 清甜嘅火龙果, 微酸嘅芒果, 非常醒胃, 实属前菜首选!!! 而且夏天以生果入馔,
德艺会进行咗大规模翻新工程, 宴会厅焕然一新, 行入去有WoW一声嘅感觉... 呢度... 真系我以前经常流连嘅德艺会?!!
四四方方嘅宴会厅, 特高楼底, 水晶吊灯, 极之适合摆酒席... 个台仲好靓呀!!! 系我最钟意嘅紫色同白色呀!!! 仲有朋友最钟意嘅楼梯呀!!! 哗哗哗... 仲有公主专用嘅南瓜马车呀!!! 好靓好浪漫呀!!! 如果可以著住晚礼服同另一半一齐坐系上面影相就好啦~ 简直好似置身童话世界入面咁呀!!!
开餐前, 收到德艺会送嘅神秘礼物... 免费1天贵宾会籍!!! 多谢晒呀!!! 近期日食夜食, 真系好需要做吓运动减肥啦~
好o野, 开餐啦!!!
香芒沙律船 -- 哗!!! 好Kawaii呀!!! 我觉得造型好似龙虾仔, 唔知你又觉得似d咩呢?!! 什果沙律同蛋黄酱(Mayonnaise)绝对系最佳拍挡, 清甜嘅火龙果, 微酸嘅芒果, 非常醒胃, 实属前菜首选!!! 而且夏天以生果入馔, 清新又健康, 多吃亦无妨!!!
烧汁海参条 -- 哗!!! 好香呀!!! 造型仲好靓呀!!! 材料好丰富呀, 除咗海参, 仲有莲藕、茄子、蜜糖豆、红色灯笼椒、黄色灯笼椒, 样样都系我最钟意食o架, 条条都切到一样大小, 剩系用眼睇已经觉得好好味!!! 烧汁味浓, 甜甜地, 同材料好夹, 好味呀!!!
消暑佛跳墙 -- 佛跳墙夏天饮会唔会太滋补呀?!! 放心啦, 大厨为咗令个汤清淡d, 专登走咗金华火腿, 加入竹蔗茅根, 配合传统材料海参、花胶、螺头、春鸡、冬菇、杞子炖制而成, 材料十足, 滋润养颜, 果然佛跳墙都可以消暑吖~
嫣红脆石斑 -- 石斑蘸上脆浆同炸至金黄色... 切件后, , 以小杯盛载太厨精心炮制嘅酱汁, 包含了士多啤梨的嫣红, 泰国鸡酱的酸甜, 甘香酱的甘香... 原以为炸鱼会又干又硬又唔新鲜, 但系鱼肉出奇地鲜嫩, 可见大厨掌握火喉嘅功力恰到好处!!! 蘸士多啤梨酱汁同吃会有一份清新嘅感觉, 但系唔蘸汁吃同样可口~
西红柿焗原只鲍鱼 -- 以原个蕃茄盛载著原只鲍鱼, 配以牛油果、洋葱、西芹, 拌入白汁, 铺上芝士同焗, 外型讨好到不得了, 上枱时大家都不禁哗哗声... 来自澳洲嘅鲍鱼, 爽口弹牙, 原只运到, 由餐厅自己开壳, 保证新鲜... 同样来自澳洲嘅白酒, 本身带有甜味, 不需要加入太多糖调味... 白汁与配汁味道好夹, 但系同蕃茄唔系太夹...
冬林百籽虾 -- 百籽虾曾经系满月酒嘅必备菜色, 经大厨旧菜新做, 摇身一变成为矝贵的菜色!!! 材料选用海中虾, 伴上蟹籽, 以冬瓜铺底, 配以夜香花... 夏天食冬瓜好有益o架, 可以清热解毒... 夜香花外型美观, 具幽兰芳香, 有清热明目嘅药疗效用o架... 呢味菜的确系夏至的清新之选~
西施海皇泡饭 -- 今晚嘅压轴好戏... 材料有冬菜、虾、带子、冬菇、芝麻、菜段、葱花、已经煮熟嘅白米饭... 由大厨李师傅亲自出马, 即席示范烹调... 先煮沸鸡汤, 再加入所有材料, 最后加入用200几度嘅油炸成嘅脆米... 咋一声... 完成!!! 煮好嘅泡饭要即刻食, 如果唔系d炸米就会腍晒o架啦~ 脆米又香又脆, 仲好味过饭焦... 鸡汤味道甜美浓郁, 虾肉同带子鲜甜爽口, 好好味呀!!! 全晚最有惊喜!!! 我想添饭呀!!!
烧焗椰皇蛋白 -- 哗!!! 酥皮汤?!! 原个椰皇切去顶部, 注入蛋白后, 盖上酥皮一齐烧焗... 打开酥皮, 见到雪一般嘅蛋白, WoW... 蛋白好滑溜, 渗出丝丝椰皇味, 好清甜, 好好味呀!!!
原来好戏真系要压轴o架, 全晚最好味嘅系西施海皇泡饭同埋烧焗椰皇蛋白!!!
饱餐后大厨李师傅与一众食家交流饮食心得, 李师傅强调烹调应该系根据有咩材料就煮咩... 呢样我识, 日本嘅怀石料理都系不时不吃!!!
席间一边享用美食, 一边与各位食家谈天说地, 虽然有好几位食家系第一次见面, 但系感觉一点也不陌生, 因为... 大家都钟意食吖嘛!!! 自然有讲唔完嘅话题啦...
感谢德艺会嘅邀请同款待!!!
.
张贴
