鴻星中菜 (羅氏商業廣場) (已結業)

喺疫情环境之下，真系唔想出街食饭，叫外卖就系最好嘅选择，喺网上外卖平台个apps睇吓附近有咩好食，估唔到原来鸿星都有做外卖，见到有2人套餐，于是就落单叫网上外卖平台送过黎。套餐都几丰富，有烧味、有2个小菜同2个白饭。脆皮烧腩仔，虽然系外卖，但系个皮真系仲好脆，5层肉嘅烧腩仔，一d都唔肥，肉质唔鞋，唔会太咸，几好食。竹笙野菌浸鱼腐，竹笙份量都唔少，仲要好厚身，吸收晒汤嘅精华，好好味，鱼腐都烟韧有咬口，除咁野菌仲有西兰花，呢个𩠌非常健康，一d都唔油腻。洋葱煎牛柳，牛柳系厚切，食落唔韧仲好淋，好juice,个酱汁有少少辣辣地，都几惹味。