芭堤雅泰國餐館

营业中

休息中

去元朗探朋友，佢哋成班小朋友费事走出走入，就索性叫外卖返嚟一齐食。第一次叫呢间，相当有惊喜。外卖送到嚟仲系热辣辣，卖相亦都相当企理。味道方面，基本上样样都好食。虽然系外卖，但系啲炸嘢都卜卜脆，虾饼有弹牙，啲单骨鸡翼都好入味。啲猪颈肉虽然唔算好有炭火烧烤嘅味道，但系唔会烧得太干肉质仲锁住喺里面。个木瓜沙律唔会太辣，啲小朋友都食得到。烧鸡同埋串烧都唔会太干，串烧大大嚿，但系都腌得好入味。烧鱿鱼筒个酱汁先系灵魂，酸酸辣辣配埋个鱿鱼食就系提鲜效果，仲有我最钟意食嘅炒饭，不过就虾酱味唔算浓，重点系炒得够干身。另外湿炒河粉都唔会一pat pat处理得几好。另外一个海鲜炒面都唔错不过都系钟意食个炒饭多啲。下次有机会要去堂食试埋其他嘢。