鳴門魚市場居酒屋 (已結業)

今晚一个人食饭，买外卖都唔知买乜好，行过见到呢间日本菜做紧外卖寿司半价，好似好抵食。除咗寿司、刺身、卷物有半价之外，另外仲有啲食物做紧外卖自取八折，几抵食。我就叫咗几件寿司、刺身，另外再叫咗一个沙律同埋一个炸鱿鱼。火炙带子左口黑松露沙律沙律嘅份量都几多，而且唔系剩系得菜，有好多嘅鱼生喺上面之外亦都有其他配料，例如有牛油果、蕃茄等等。加咗黑松露嘅酱汁，味道非常之配合。炸鱿鱼配他他汁炸鱿鱼同样都配左沙律，亦都有沙律酱喺隔离，拎到返屋企都唔会倒泻，外卖来讲摆盆都好重要。炸鱿鱼外层酥脆，就算冻咗都唔会淋晒。赤海虾刺身、三文鱼刺身鹅肝寿司、吞拿鱼腩寿司、鲜贝柱寿司、油甘鱼寿司、甜虾寿司、鳗鱼寿司刺身同寿司都非常之新鲜，即使做紧半价，但系质素一样咁好。自己就觉得吞拿鱼腩寿司最好味，鱼腩肥美之余，厚切嘅口感亦都一流。另外，鹅肝寿司亦都系必试嘅选择，鹅肝入口即溶，油脂香味丰腴。