Chotto Maki (廈門街) (已結業)

湾仔有好多唔同类型嘅食肆，做完嘢经过Chotto Maki去买啲外卖返屋企做晚餐。Chick Chick $68 大饭卷拣咗 Chick Chick， 有4大件。呢个卷有多种口感，几特别。大大嚿照烧鸡咬落厚肉唔嚡，加埋牛油果同沙律菜味道香滑清新，食落仲有啲开胃嘅酸黄瓜，芋头片同飞鱼子就脆卜卜咁，配搭辣蛋黄酱同黑松露蛋黄酱少少辣少少惹味。Philadelphia Roll $75 另外想试多款饭卷，所以拣咗Philadelphia Roll中卷，有8件。三文鱼同忌廉芝士好夹，两种食材起到化学作用，仲食到有蛋黄酱、鳗鱼汁，配埋牛油果同飞鱼子多咗一份又滑又脆嘅滋味。 我仲试埋呢度嘅传统寿司，叫咗带子寿司 $33 同 三文鱼寿司 $24，每款有两件，用料都好新鲜。