金鶴拉麵 (和富道) (已結業)

今日食外卖金鹤拉面，餐厅位于北角和富道， 餐厅面积唔算好大， 不过叫外卖就无所谓啦。今日叫左4款食物， 分别系黑蒜酱油汤拉面，厚切日本鸡胸肉饭，酱渍日本塘心蛋， 咖哩炸鸡饭。因为去到餐厅先叫外卖，店员好有礼貌叫我坐低等， 重比埋杯茶我，等我唔使喺门口晒住等， 服务好，黑蒜酱油汤拉面，酱油汤有清香感觉，面底弹牙爽， 返到公司食都唔会林哂，好味厚切日本鸡胸肉饭，以为鸡胸d肉会好实好硬， 但呢个鸡胸滑到不得了，好似鸡肶肉咁，个日本米饭烟韧，饭味香浓。酱渍日本塘心蛋， 塘心到不得了，d蛋汁重流紧出黎， 蛋味可口。咖哩炸鸡饭，炸鸡又多又大件，咖哩汁香甜带辣，送饭一流，炸鸡外脆内软，有肉汁，值得推荐。