紫藤屋 (已結業)

湾仔活道转角位开咗档新餐厅， 见佢poster贴出嚟𠮶啲便当盒好似整得好精致咁， 抱住试下新嘢嘅心态入去试一试。餐厅入面座位唔多， 坐得有少少逼， 主要做外卖。 我点咗个豚肉时雨煮便当，再加八蚊加配一个面豉汤同埋沙律， 承惠66蚊， 同区黎讲价钱合理。饭盒用一个紫色花纹嘅四方盒载住， 上面嘅玉子烧同埋生姜豚肉摆得整整齐齐，同poster一样咁靓， 实在难得。米饭晶莹通透，味道甘香松软， 配上沾满酱汁嘅豚肉， 令人食欲大振。 再佐以酸姜玉子烧等等嘅配菜，成个便当嘅口感就更为丰富。美中不足嘅系份量若严少咗啲，男仔食可能会觉得意犹未尽。