NeNe Chicken (形點 I) (已結業)

去朋友屋企食饭挑战买外卖!Nene chicken 喺香港都算多分店，今次第一次是佢嘅外卖！一行四人分别叫咗：双拼无骨炸鸡（辣味初雪、避风塘）、小食拼盘、明太子鸡蛋卷、加购薯条同埋芝士波。地理位置：喺商场入边位置都非常好，同朋友聚会叫外卖亦都非常方便。服务：职员服务都非常友善，虽然我哋想食「普通年糕」嘅时候，对方冇特别醒起有「小食拼盘」，但系都主动提出左啲例如年糕串烧嘅选择。食物：炸鸡//一直都觉得初雪好好食，不过今次因为冇晒所以叫咗辣味初雪，我就觉得啱啱好，但系朋友有啲食到调味粉比较重嘅话会觉得好辣。避风塘味道都唔错，下次可以再食！小食拼盘// 强烈推介，其实都真系好抵食！因为包咗好多好多嘢，朋友聚会简单乜都谂唔到嗌一个就搞掂！明太子鸡蛋卷// 而家因为已经食到好饱，有一种觉得堂食好食啲嘅感觉。加购项目//薯条就正正常常薯条啦，冻咗都唔系特别好食，配搭嘅系茄汁。芝士波最后冇食到，听朋友讲奇奇怪怪唔系心目中所想嘅，少少似面包球入边有芝士然后炸/焗咗佢。