三才魚蛋粉麵

营业中

休息中

天气热唔想食饭，就想简单食粉面一餐。因为疫症的关系，我地就选择了外卖返屋企慢慢叹。外卖一d都唔马虎，汤是分开装，唔会浸到粉淋晒，仲配有炸蒜、葱菜、醋同辣椒油，值得一赞。三𩠌鱼蛋鱼片河鱼蛋鱼片爽滑，feel到真材实料鱼肉做，有鱼肉质感，唔会腥。白鱼蛋滑身d，炸鱼蛋香口d，鱼片厚度啱啱好。河粉滑溜，汤加入炸蒜、葱菜惹味不少。双拼捞面选了牛根拼墨鱼虾条，牛根分量足，炆得淋滑，满满骨胶原，绵绵的口感。墨鱼虾条有汤分开装的，墨鱼虾条真材实料，有粒粒墨鱼肉和虾肉，用腐皮包著，好好味。面爽口，蚝油加上炸蒜令捞面香口惹味。另外我们还买了一包炸鱼皮做零食， 15蚊一包，鱼皮大大块，卜卜脆，炸粉唔厚，有鱼香唔腥，调味刚好唔会有太咸。