喜喜雞煲

营业中

休息中

早排食过一次「翻层味」，本来想星期想encore再食，但要等位，后来侍应姐姐提议外买回家。哇，真系未试过外卖一个锅同配料打边炉。上次试了鸡煲，今次改食胡椒猪骨煲，再叫了老友鬼鬼、水饺、同薯粉返屋企。屋企人亦好醒咁去百佳买鱼片同菜，因为平ｄ又份量多ｄ。胡椒猪骨煲入面的猪骨好大旧，仲有鸡脚，好足料，胡椒味够浓，但又唔会抢到其他食物的味道，唔错唔错。老友鬼鬼上次食过，可能今次改左汤底，无上次用鸡煲咁入味同浓郁。本来屋企人唔比叫水饺，因为百佳抵好多，但我坚持要，因为上次食过好味，馅料同饺皮的份量适中，唔会过多或过少。计计数，下次可能都系外买抵ｏ的。