芝味鳥 (H.A.N.D.S) (已結業)

于母亲节前一日同咁多位母亲一齐叫外卖大家开心聚下，我地叫左三款炸鸡食，一送到黎个外卖盒已经成个湿晒，三款炸鸡变左得一款见唔到有咩分别，打去CS去问下究竟发生咩事，个女CS就话第40分钟再送过一批俾我地，到我地等左大约40分钟，个外卖员再送黎，今次分开左两个靓盒黎装，更明显地见到三款不同味，但个外卖员话要返上一批炸鸡，我地就话之前女CS无讲过要返，我地即时打电话俾个女CS向外卖员证明无需我地俾返上一批鸡佢，个女CS唔知我地开左speaker，语气好差咁同个外卖员讲话「佢地班人话点就点喇」，个外卖员想著著住鞋冲入屋抢个电话黎听，之后仲话「你地唔够食都唔系咁」，讲到我地好似乞佢啲鸡食咁，成件事完全无谂过会系咁，最后我地俾返晒啲鸡个外卖员叫佢地走，之后就再打去CS，今次有个男CS听电话，亦向佢表明整件事始没，希望佢真系会跟进。大家叫外卖要三思。