Kim's Bowl (花園道) (已結業)

身为OL界嘅A姐，真系有返工时间就无收工时间，想食个好啲嘅lunch奖励吓自己？好彩公司附近开咗我最钟意嘅韩式外卖店，为苦苦工作嘅一天，加添了小小动力。韩国鱼蛋紫菜饭卷紫菜饭卷包住嘅系韩国鱼蛋，闻落去都有好香浓嘅麻油味，好彩食落口唔会油淋淋。最欣赏系饭卷入面有好多配料，口感好丰富，配埋最爱嘅韩国鱼蛋，真系相当满足。焗鸡扒韩式便当鸡扒够晒嫩滑，不过，就略嫌酱汁太少，唔够捞饭。而便当仲配有黑豆、酱贡菜、小银鱼、蛋卷同韩式粉丝，配料份量唔多，但小小嘅便当都有咁多选择，真系够晒惊喜。韩国滋味炸鸡拼盘 炸鸡有原味、甜辣味同香蒜酱油味，份量真系好足，以香蒜酱油味最入味，面头仲有炸蕃薯条，好满足呀。