綠摩 (已結業)

放工顺便去买外卖返屋企，拣咗呢间pizza店，店仔细细，主要做外卖生意，不过都有两张枱可以立食。我见到佢哋啲嘢食都系即叫即做即焗pizza，仲有个大pizza专用炉，等紧嘢食期间一路都闻到好香。我叫左个二人餐$288，唔使谂咁多。夏威夷辣妹pizza加埋$10要呢款味，pizza 9'，系薄身脆嘅饼底，我返到屋企已经冻左，但啲边边仲系好脆。pizza好多车打芝士，甜甜菠萝同火腿，好好味绝对唔会错嘅组合。意大利肉酱伴温泉蛋意大利粉蕃茄肉酱香浓，加上流心温泉蛋嘅蛋液伴入意粉，每条意粉都挂满酱汁，简单油好食。烟三文鱼芝士春卷配青芥末蛋黄酱春卷返到屋企都仲keep住脆，里面嘅芝士冻咗之后变得烟烟韧韧，加上烟三文鱼咸香咸香咁，再沾上芥末蛋黄酱，味道好丰富。跟餐可以拣汤或者饮品，我就拣咗餐汤，有黑松露蘑菇汤同埋忌廉粟米汤。黑松露蘑菇汤真材实料用好多蘑菇磨成茸，菇菌嘅香味好出又有黑松露增添香气，粟米汤香甜，又有粒粒粟米，口感好好。