花甲年華

营业中

休息中

今日外卖咗无骨鱼柳花甲粉丝，追加咗肥牛同埋蟹柳，即系碗粉丝要有鱼柳，花甲，肥牛同埋蟹柳！但我拎份外卖返到屋企，打开锡纸之后摷均成兜粉丝都净系揾到肥牛，花甲同蟹柳！再打开碗净汤撩下，都系揾唔到一件鱼柳！但钱我就比咗！外卖无仇报！之前试过一次佢比漏咗追加嘅连藕饼，我有问佢有无电话可以打返电话比佢，但佢话无！上星期我同样买鱼柳花甲粉丝追加肥牛及蟹柳已试过一次又系比漏咗鱼柳！今日系我遇上嘅第三次，忍唔住要劣评下佢！要再帮趁佢外买的话，提提大家要即场打开check清楚先攞走可以避免损失！此外提一提，佢嘅所谓花甲唔系次次真系花甲，好多时系用蚬代替，花甲同蚬根本就系2回事！但佢打正招牌话系花甲！睇你好唔好彩！