影片
更多
2022-01-04
767 浏览
2021年12月22日 星期三今日系西营盘早左收工准备放圣诞节，原本谂住买定𩠌返屋企煮饭咁啱行过呢一间大厦，见到里面原来有唔少外卖食肆，一直都无发现到，只要预先点左餐，等一阵间之后就可以上去自行取货，十分方便，突然间就谂不如买外卖返屋企食就算，可以省却买𩠌煮饭既时间，所以就战战兢兢上左去上到去见到好似提货点咁，有好多智能柜，指示好清晰，而且够晒整洁最后我选择咗陈家菜呢一间餐厅，因为想食鸡煲，冬天之下食就最正，而且仲可以拣唔辣，符合晒老婆既要求，最重要系鸡煲好难自己系屋企整到，因为要包含好多配料同调味料，加上整得好食难度十分高最后我仲加多左个菜同小食添拎返到屋企已经急不及待咁打开个鸡煲，想试下咩味，估唔到仲系有烟出，暖暖地唔需要加返热就食得，目测已经见到有好多配料，鸡就占左绝大多数，试食其中一旧发现非常入味，食得到有花椒、八角既味，鸡肉仍然保持嫩滑，而且啖啖肉唔多骨，酱汁食完都唔口渴，用嚟送饭一流！！小食方面有黑椒蜜汁鸡翼，黑椒同蜜糖味配合得岩岩好，而且煎得好香脆，食落去几惹味最后加多一个菜，用左蒜蓉黎炒，菜睇落去完全唔黄，加上唔老，所以食落口系爽脆既，而且水份好足够，食完两个人都已经饱
今日系西营盘早左收工准备放圣诞节，原本谂住买定𩠌返屋企煮饭
咁啱行过呢一间大厦，见到里面原来有唔少外卖食肆，一直都无发现到，只要预先点左餐，等一阵间之后就可以上去自行取货，十分方便，突然间就谂不如买外卖返屋企食就算，可以省却买𩠌煮饭既时间，所以就战战兢兢上左去
上到去见到好似提货点咁，有好多智能柜，指示好清晰，而且够晒整洁
最后我选择咗陈家菜呢一间餐厅，因为想食鸡煲，冬天之下食就最正，而且仲可以拣唔辣，符合晒老婆既要求，最重要系鸡煲好难自己系屋企整到，因为要包含好多配料同调味料，加上整得好食难度十分高
最后我仲加多左个菜同小食添
拎返到屋企已经急不及待咁打开个鸡煲，想试下咩味，估唔到仲系有烟出，暖暖地唔需要加返热就食得，目测已经见到有好多配料，鸡就占左绝大多数，试食其中一旧发现非常入味，食得到有花椒、八角既味，鸡肉仍然保持嫩滑，而且啖啖肉唔多骨，酱汁食完都唔口渴，用嚟送饭一流！！
小食方面有黑椒蜜汁鸡翼，黑椒同蜜糖味配合得岩岩好，而且煎得好香脆，食落去几惹味
最后加多一个菜，用左蒜蓉黎炒，菜睇落去完全唔黄，加上唔老，所以食落口系爽脆既，而且水份好足够，食完两个人都已经饱晒
张贴
