Chop Chop 食神叉燒 (新城市廣場) (已結業)

今晚同男朋友黎到沙田，因为夜晚无得堂食，所以我地唯有外卖自取解决晚餐啦。见呢间都几多人排队买外卖，一于就食呢间啦。正宗黯然销魂饭选用肥叉烧，数量都唔少架。有只蛋系面，拮穿只蛋，蛋黄流晒出黎捞饭食，正。食神炒饭有叉烧、虾仁、瑶柱粒、樱花虾、蟹籽、青豆同葱一齐炒，材料丰富，份量十足，炒饭属于偏湿润个种。外卖都无减少份量，抵赞。烧味双拼要烧鹅髀同切鸡，两款都啖啖肉，充满油香。最后配埋冻奶茶同无糖可乐，饱。