BLT Burger (已結業)

同朋友行开尖沙咀，想食外国野，即刻谂到blt burger，去到等左半个钟先入得。餐厅灯光都比较昏暗，适合情侣一齐食，同场仲见到好多外国人添。叫左个朱古力milkshake，朱古力味浓，做得够冻，饮到尾都冇变水，食汉堡食到腻既时候饮一啖，解腻一流，加上好大杯，两个人饮一杯都好够。burger 梗系要食牛馅既，面包软， 番茄系室温味浓多汁，medium既牛肉，牛肉味十足又好juicy，酱汁唔算多，但岩岩好，唔会盖过牛肉味，难怪咁多外国人食。另外叫左水牛城鸡翼，可以点蓝芝士酱食，口感带少少脆，不过咸左少少。