La Rotisserie (廈門街) (已結業)

住湾仔同事介绍！话呢间嘅外国烧鸡好正，一定要试，烧鸡一向外国比较干嚡，好味嘅唔多，既然同事推介，又试下，去到好多人等紧攞外卖，黑色柜装修好型格，餐厅主调黑底白鸡！墙上有介绍系法国A级谷物饲养走地鸡！传单亦有教加热方法！除了鸡，仲有几款肉批！3个店员在大玻璃柜后好忙咁包外卖，餐牌全英文，店员都系英文人，见到柜后有个透明焗炉烧紧鸡，玻璃柜内有几款配菜，因为肥髀同我食，所以只叫1/4鸡加一款配菜，落单后取票等叫号码，店员密密手包装，用黑色扁身纸盒，内有间隔可以放配菜！好快就有得攞，再加个黑色纸袋，包装好细致！1/4烧鸡（$55）：烧鸡极香，我买完搭车，整个车厢都系烧鸡味，引死人，回家打开金黄色，有啲㶶位，鸡髀位，鸡髀比肥髀霸咗，比埋刀叉方便切，我食身，好嫩滑juicy，油香满咀，鸡皮烧得薄，虽然焗过淋咗少许，都好香滑！唔会好咸，好浓嘅鸡味！配菜烤鸡汁马铃薯（$28）：薯角金黄色，有㶶位，烟韧好味，如果快啲食，皮脆肉嫩仲正啲！薯仔味种！正！唔使加一，店员好爽手，有笑容，服务好好！可以八达通比钱方便！