影片
更多
2016-09-19
1784 浏览
小妹第一篇食评，希望大家唔会见笑^^！今日系我家麦师奶嘅生日我地一行12人就嚟左新都城2期嘅百汇轩同佢庆祝！我地最后决定叫一个套餐，又可以唔洗续样点谂到头都大晒又免加一，最后仲送左水果加糖水比我地！唔错吧！首先上嘅系玫瑰龙虾e面：👍👍👍👍玫瑰龙虾其实系嚟自南非嘅品种！佢嘅外壳比其他龙虾品种够为薄身，肉质非常之饱满而有弹性而且龙虾味十足！比起大只得龙虾味较淡嘅波士顿龙虾我地就更加玫瑰龙虾！今次呢只大概有2斤半重，啖啖肉！不过e面就比较失色，啲汁好明显系冇捞到落底所以没有掂到汁嘅面会痴住，一夹起就一大旧！不过overall味道非常不错，不会太咸，食多几旧都唔会觉得口渴！元贝珊瑚蚌炒甜豆：👍👍👍甜豆炒得啱啱好，非常爽脆！元贝鲜甜，唔会好似擦子胶一样(你懂的)，不过系个珊瑚蚌一啲大大旧，一啲就碎碎咁所以我地一啲人有得食，其他冇得食嘅人就得个睇字啰！😜炸海鲜卷：(小妹冇食到！抱歉🙋！)不过听讲有食嘅屋企人话海鲜卷入面有菠萝粒食起上得冇咁济㖞！😜脆皮烧乳猪：👍👍👍👍猪皮烧得十分之脆，里面嘅肥膏唔会太厚，肉质香滑，食落一啲都唔觉得油腻！只乳猪一嚟到大家已经急不及待起筷，所以e道其实得番一半！😂清蒸沙
首先上嘅系玫瑰龙虾e面：👍👍👍👍玫瑰龙虾其实系嚟自南非嘅品种！佢嘅外壳比其他龙虾品种够为薄身，肉质非常之饱满而有弹性而且龙虾味十足！比起大只得龙虾味较淡嘅波士顿龙虾我地就更加玫瑰龙虾！今次呢只大概有2斤半重，啖啖肉！不过e面就比较失色，啲汁好明显系冇捞到落底所以没有掂到汁嘅面会痴住，一夹起就一大旧！不过overall味道非常不错，不会太咸，食多几旧都唔会觉得口渴！
元贝珊瑚蚌炒甜豆：👍👍👍甜豆炒得啱啱好，非常爽脆！元贝鲜甜，唔会好似擦子胶一样(你懂的)，不过系个珊瑚蚌一啲大大旧，一啲就碎碎咁所以我地一啲人有得食，其他冇得食嘅人就得个睇字啰！😜
炸海鲜卷：(小妹冇食到！抱歉🙋！)不过听讲有食嘅屋企人话海鲜卷入面有菠萝粒食起上得冇咁济㖞！😜
脆皮烧乳猪：👍👍👍👍猪皮烧得十分之脆，里面嘅肥膏唔会太厚，肉质香滑，食落一啲都唔觉得油腻！只乳猪一嚟到大家已经急不及待起筷，所以e道其实得番一半！😂
清蒸沙巴龙趸：👍👍👍哗！好大条！不过由于可能佢太大条嘅关系，无论师傅时间拿捏得几好，鱼肉系啱啱好离骨但系都系会比细鱼鞋一啲！不过佢胜左鱼味十足又够鲜甜，最后大家都食到得番条骨！
炸子鸡：👍👍👍呢道嘅炸子鸡真系做得唔错，外皮炸到非常之脆，入面嘅肉质非常之juicy!!不过作为鸡王嘅我都系比佢3个👍，因为虽然师傅嘅煮食技巧十足，不过小妹觉得佢鸡味欠俸，加上小妹都系比较爱吃淮盐配炸子鸡！不过侍应反而就比左一碟酱油我地(冇点)!真系可惜!！
荷叶饭：👍👍小妹本身非常之喜爱食荷叶饭，不过今次冇食太多因为小妹不太喜欢太湿嘅炒饭，而且佢地其实冇放太多嘅配料喺炒饭入面，不过味道其实系唔错的！只系如果佢干身番少少就更加好了！
莲蓉寿包：👍👍👍👍寿包系我地今日嘅抢手货之一，因为佢上到枱嘅时候啱啱蒸起热辣辣！个包本身做得十分之松软，入面嘅莲蓉十分香滑而且唔会太甜，如果唔系只有12个.......😋😋
其实我地仲有个鱼翅(其实冇乜翅)同埋生鲍鱼菇扒生菜，小妹见佢地冇乜特别就唔写太多喇！由于每一个菜都系大大碟嘅关系，我地个个都食到捧住个肚走，减肥计划都系听(or N)日后先开始啦！
张贴
