三星台菜食堂 (新城市廣場一期) (已結業)

沙田台湾菜式餐厅唔多，三星系其中一间，拣左两款小菜同一个汤面。椒盐四季豆：用大量炸蒜爆香，清新爽脆可口，必食！太好味忍唔住一试再试。连餐厅哥哥都话呢款系佢地既招牌菜式，好多人都会order.埔里花雕鸡脾面：汤面分开装，到食面时仲保持到爽口弹牙。汤底非常浓郁，微微有花雕味。鸡脾有惊喜，估唔到肉质好嫩滑。另可拣粗面，刀削面或冬粉。个人觉得原本面底好食啲。卤牛肚：佐以大量生蒜蓉同卤水汁，牛肚煮得好够腍，入口即溶。