影片
更多
2015-07-08
4569 浏览
今日朋友生日, 话想黎依间食佢个蜜瓜冰，大家无乜意见就决定去喇。六点钟到左，仲有好多位但系未齐人，waiter好好人畀我照拎左飞先，齐人先同佢讲，因为依到好似有限时食90分钟。结果其他朋友迟收工，7点先齐人，已经成间舖full哂。等左阵，将2张2人枱拍埋畀我地5个人坐，都唔系话好逼，不过野食到嘅时候无乜位放。我地5个女仔叫左5杯4款野饮。野饮好快到。我叫左杯青柠&柠檬丽塔，一黎到望落好有层次感，个个都忍唔住要试啖。连唔饮啤酒嘅朋友都觉好饮，无乜啤酒味，不过最后无哂冰就得返啤酒味。仲有个朋友叫左西柚丽塔，可惜果日无apple cider，所以转左一样嘅啤酒，不过就觉得啤酒同西柚嘅配搭就无咁夹。其他朋友就叫左曲奇沙冰同芒果沙冰，无乜特别，正常沙冰。牛肉紫菜饭卷同炸酱面都好快上枱，已经等唔切影相食左啲先 。紫菜饭卷都每人分倒2旧，味道都唔错，不过都正常野。炸酱面汁好多好够，食哂面之后朋友仲系咁食啲汁，清干净先畀人收走。岩岩好食完面，外星人炒年糕就到 。上枱嘅时候oppa会走过黎帮我地剪炸鱿鱼，剪完大家都忍唔住动手，但系其他野食都未热，有朋友食左炸鱿鱼话好好食，即时条鱿鱼就被分尸了
六点钟到左，仲有好多位但系未齐人，waiter好好人畀我照拎左飞先，齐人先同佢讲，因为依到好似有限时食90分钟。结果其他朋友迟收工，7点先齐人，已经成间舖full哂。等左阵，将2张2人枱拍埋畀我地5个人坐，都唔系话好逼，不过野食到嘅时候无乜位放。
我地5个女仔叫左5杯4款野饮。
野饮好快到。我叫左杯青柠&柠檬丽塔，一黎到望落好有层次感，个个都忍唔住要试啖。连唔饮啤酒嘅朋友都觉好饮，无乜啤酒味，不过最后无哂冰就得返啤酒味。仲有个朋友叫左西柚丽塔，可惜果日无apple cider，所以转左一样嘅啤酒，不过就觉得啤酒同西柚嘅配搭就无咁夹。其他朋友就叫左曲奇沙冰同芒果沙冰，无乜特别，正常沙冰。
牛肉紫菜饭卷同炸酱面都好快上枱，已经等唔切影相食左啲先 。紫菜饭卷都每人分倒2旧，味道都唔错，不过都正常野。炸酱面汁好多好够，食哂面之后朋友仲系咁食啲汁，清干净先畀人收走。
岩岩好食完面，外星人炒年糕就到 。上枱嘅时候oppa会走过黎帮我地剪炸鱿鱼，剪完大家都忍唔住动手，但系其他野食都未热，有朋友食左炸鱿鱼话好好食，即时条鱿鱼就被分尸了 ，个人觉得鱿鱼要即刻食先好味如果唔系淋左无咁好食。跟住等呀等，中间一直忍唔住夹啲黎食，终于啲野开始热，围边四样野系炒蛋，芝士薯蓉，肉丸同个几好食嘅唔知咩丸。薯蓉一定要等热左先食，因为热左芝士先溶埋落薯蓉到，好好食，对住薯蓉个朋友系咁食，应该有3分1都系佢食嘅。我唔系好食得辣，一食个年糕觉得好辣，要饮野，不过辣得黎好好食 。美中不足嘅系年糕入面啲菜一直都唔淋，个个都唔食所以净返哂。
由于有2个大胃王朋友系到，觉得唔够食所以叫埋个奶油面包意大利粉，个汁系几好味，不过个包好dry，每人分左啲粉就由2位大胃王分左个包佢。如果唔系唔够食又无乜野好拣都未必拣佢，其实有谂住叫芝士猪肋骨，不过有人觉得贵所以叫意大利粉。
最后上重点甜品，可能大家太大期望，反而觉得普通。感觉就系好冻，朋友话蜜瓜唔系好甜，个冰唔落练奶无乜味，条雪条就系7仔买倒果条蜜瓜雪条。份量都几大，2个人食嘅话可能唔洗点食其他野。5个女仔食都几饱嘅，如果无大胃王系入面嘅话。不过叫面包之前大胃王有表示要落去扫街，最后应该系无嘅。Total连埋加一食左一千一百几。
题外话/补充资料：
朋友表示老板oppa同waiter oppa都几靓仔，其实女waitress都几靓女。
(以上食记乃用户个人意见 , 并不代表OpenRice之观点。)
张贴
