影片
更多
2022-01-16
1502 浏览
星期日喺上环交收完，时间已经不早，所以我哋就嗱嗱临揾吓附近边度仲有嘢食，最终喺歌赋街发现「拾味正宗刀削面馆」仍未关门😆。其实餐厅都差唔多收市，不过仲有外卖订单煮紧，所以就招呼埋我哋。小店环境正正常常，原来行到入去都仲有几多座位。不过值得一提嘅系门口位置风格好唔同，设有装饰摆设同室外位，感觉似足打卡Cafe✨。餐厅菜式选择非常多，𩠌料配搭让人花多眼乱👀。即使系刀削面，你都有得拣汤底、冷拌或热拌等。此外，佢亦提供上海菜饭。主食定价介乎$45-$65不等，我认为喺中环区算系咁啦，而且份量又够多👍，返工食佢做晏都应该几满足。麻辣牛腩汤刀削面($55)，加配麻辣金钱肚($10)，嗌麻辣𩠌料的话，面同𩠌会分开上。估唔到净汤面本身都咁吸引到我🍜，开初以为汤头好啖，点知好好饮，高汤用上猪骨同鸡壳长时间熬制，味道香浓走味精，加上暖笠笠，饮落好舒服🤤。麻辣𩠌料方面，睇佢个样充满辣椒蒜蓉会被佢吓亲🌶️，但实际上只要唔专登沾啲辣油其实都OK。牛腩大大件，颇有口感的；而金钱肚就系预期中嘅爽弹🐮。手撕鸡热拌刀削面($60)，加配猪颈肉($10)，如果天气唔系咁冻，我一定会选择冷面❄️，但咁嘅天时就一于试吓热拌！热拌嘅
星期日喺上环交收完，时间已经不早，所以我哋就嗱嗱临揾吓附近边度仲有嘢食，最终喺歌赋街发现「拾味正宗刀削面馆」仍未关门😆。其实餐厅都差唔多收市，不过仲有外卖订单煮紧，所以就招呼埋我哋。
小店环境正正常常，原来行到入去都仲有几多座位。不过值得一提嘅系门口位置风格好唔同，设有装饰摆设同室外位，感觉似足打卡Cafe✨。
餐厅菜式选择非常多，𩠌料配搭让人花多眼乱👀。即使系刀削面，你都有得拣汤底、冷拌或热拌等。此外，佢亦提供上海菜饭。
主食定价介乎$45-$65不等，我认为喺中环区算系咁啦，而且份量又够多👍，返工食佢做晏都应该几满足。
汤刀削面
15 浏览
0 赞好
0 留言
手撕鸡热拌刀削面($60)，加配猪颈肉($10)，如果天气唔系咁冻，我一定会选择冷面❄️，但咁嘅天时就一于试吓热拌！热拌嘅酱汁由四川担担酱同酱油所组成，捞埋食几惹味，又唔会干噌噌。𩠌料我要咗手撕鸡🐔同猪颈肉🐷，鸡丝非常适合捞面，当中混入咗青瓜丝，以丰富口感；而猪颈肉经煎香咗都唔错。最后当然要讲返刀削面，面条相当高质，佢做得到海报上所写嘅「外滑内筋、软而不黏」，口感极具嚼劲又挂汁。
饮品方面，我哋要咗冻豆浆(+$6)同冻蜂蜜绿茶(+$8)，两杯都麻麻哋，主要系因为唔够冻，系室温，有一刻我甚至怀疑系咪叫咗热饮🙈。我认为如果真系好口渴先嗌啦。
总括嚟讲，刀削面馆令人喜出望外，食物味道同价钱两方面都攞高分，👨🏻🍳厨师用心制作出正宗兼具风味嘅刀削面，无负呢样美食之名。题外话，餐厅系一间撑香港人嘅小店嚟㗎💛。
张贴
