湘蜀人家

营业中

休息中

食得多广东菜有时都想试吓啲外省菜，我尤其钟意食水煮同酸菜系列。今日嚟到呢间餐厅见到其他人食酸菜桂花鱼好似好正咁，整条鱼连埋鱼头,本来都想跟佢食桂花鱼，但系发现原来价钱贵一倍，估计都真系新鲜鱼，悭家嘅我改食酸菜鲜鱼，虽然价钱平一半，但系鱼肉质素都几好㖞，而且份量都好大，钟意佢落青麻椒，唔会死麻，而且极多酸菜同葱，成个酸菜鱼非常惹味，我觉得系属于小至中辣，怕辣嘅人可能会有啲顶唔顺。另外都好欣赏佢个孜然炒山羊肉，羊肉质素几好，味道够鲜，都有微辣，算炒得唔油，外省嘢嚟讲唔肥腻。为咗中和返个辣味，都点咗个嫩鸡煨面，面嘅份量都好大，足够四个人分嚟食，而且又系好钟意佢够多菜多肉，个汤都唔会太淡嘅。食完主菜当然要加多个豆沙锅饼，锅饼嚟讲佢算整得外脆内松软，豆沙馅量适中，唔会太甜呢，上枱时热辣辣，食埋就非常满足啦！湾仔来讲价钱都算唔错，可能中午嚟食更加抵食，因为仲要免茶介添！