海都海鮮酒家 (已結業)

公司有两个外籍同事嚟左香港, 外籍既同事话想食吓香港特色嘢, 于是我就带咗佢地去饮茶, 饮茶够晒特色啦因为同事酒店喺港岛区, 所以就同佢哋去左新鸿基中心间海都, 谂住食完嘢近近地去埋金紫荆广场行吓因为外籍同事未试过饮茶于事由我发板:XO酱煎肠粉– XO酱味道啱啱好，正!!四季豆煎薄罉– 卖相一D都唔似薄罉, 不过出奇地好食, 脆卜卜韭黄锅贴– 劲多肉汁, 好味, 但如果煎得再金黄D就仲好原个蛋黄寿桃包– 个蛋黄好靓, 流晒黄虾饺 & 烧卖– 普普通通, 合格大白菜抄手– 抄手个汁真系麻麻, 唔酸,唔辣,冇乜味, 好似自己屋企整都仲好食外籍同事食得好开心, 赞D食物够特别又好味, 仲话离开香港前一定要食多次